Chủ nhật, 08/12/2019

Zaj Nyeem Hnub Tim 28 Lub 8 Hli Xyoo 2019 (Lời Chúa bằng tiếng H'mong, ngày 28.08.2019)

Cập nhật lúc 06:12 28/08/2019




 
Zaj nyeem Ib: Hauv phau ntawv Tes Xas Los Nis tsab 1, zaj 2 qib 9 txog 13. Thaum Paj Lug tuaj nyob Tes Xas Los Nis nws ua zoo li cas:
Kwv tij, nej nco ntsoov txog peb tej hauj lwm, thiab txog peb tej kev iab kev khwv. Thaum peb tshaj Tswv Ntuj lub Moo Zoo rau nej, mas peb tau ua hauj lwm nruab hnub thiab hmo ntuj, vim peb tsis xav ua ib lub nra hnyav rau nej ib tug twg ris li. Nej tau ua tim khawv pom, thiab Tswv Ntuj kuj ua tim khawv pom tias peb tau coj tus yam ntxwv ntshiab thiab ncaj, tus yam ntxwv tsis muaj chaw xyeej nyob hauv nruab nrab nej cov ntseeg. Nej paub tias, peb tau ua xws li ib leeg txiv ua rau nws tej tub ki. Peb tau ntuas nej sawv daws, tau txhawb nej lub siab kom loj, tau qhuab qhia nej tas zog, kom nej coj ib lub neej tsim nyog Tswv Ntuj hu nej los nyob hauv nws lub Ceeb Tsheej, thiab nyob hauv nws lub hwj chim.
Yog vim tej ntawd, mas peb ua Tswv Ntuj tsaug tsis tseg, vim thaum nej txais Tswv Ntuj Lo Lus uas peb tau qhia nej, mas nej tsis txais Lo Lus ntawd xws li neeg lo lus; nej txais raws nraim li Tswv Ntuj Lo Lus, vim yeej yog Tswv Ntuj Lo Lus tiag. Lo Lus ntawd tseem ua hauj lwm nyob hauv nej, cov ntseeg.

 

Zaj nyeem Ob: Hauv Mas Tais ntawv Moo Zoo, zaj 23 qib 27 txog 32. Ib co lus tsawm cov Kws Ntawv Ntshiab thiab cov Fas Lis Xais:
Yes Xus tseem hais ntxiv tias “Tsoom Kws Ntawv Ntshiab thiab tsoom Fas Lis Xais zoo nraum daim tawv, nej txoj hmoov phem, nej zoo li ib co ntxa pleev hmoov zeb sib: sab nraud, zoo nkauj zoo saib, tab sis sab hauv, pob txha tuag thiab kua lwj nyam puv nkaus. Nej zoo ib yam li ntawd, tuaj sab nraud saib, nej zoo li neeg ncaj, tab sis, kev dag thiab kev phem nyob puv nkaus sab hauv.  Tsoom Kws Ntawv Ntshiab thiab tsoom Fas Lis Xais zoo nraum daim tawv, nej txoj hmoov phem, nej txhim cov yaj saub tej ntxa thiab tu cov neeg ncaj tej ntxa zoo nkauj, nej hais tias: ‘Yog peb ua neej nyob lub zim txwv peb cov yawg koob nyob, mas peb yuav tsis nrog lawv koom tes hliv cov yaj saub tej roj ntsha.’
Ua li mas nej lees tias nej yog cov neeg txo cov yaj saub txoj sia cov tub. Nej tseem ua phem dua nej cov yawg koob thiab.”

‘Neeg zoo’ tsis yog hais lus zoo los xav qhov zoo xwb, nws yuav tsum ua yam zoo thiab mas thiaj yog tus neeg zoo tseeb tiag. Paj Lug yog tus yam ntxwv rau peb pom, nws yog ib tug neeg ntshiab thiab muaj kev ncaj ncees nyob hauv nruab siab, nws tiv kev hnyav kev iab thiab nws tsis pub nws lub neej ua nra hnyav rau lwm tus. Huab Tais Yes Xus tau hais txog cov kws ntawv Ntshiab thiab cov Fas Lis Xais tias lawv yog cov neeg tu cev kom lwm tus pom tias yog neeg zoo, tab sis txhua txhia yam lawv ua mas tsis zoo li lawv daim tawv.
Vam tias peb sawv daws yuav yog tus neeg zoo tiag mog.

http://www.zootswvzovyaj.com
Thông tin khác:
|||||
RA ĐI RAO TRUYỀN TIN MỪNG - Bài hát chủ đề ĐHGT giáo tỉnh Hà Nội tại giáo phận Hưng Hoá 2020 -
Liên kết website
Tiêu điểm
Thánh lễ an táng ông cố Giuse Trần Văn Đậu và ông cố Phêrô Lê Văn Thưởng tại giáo xứ Trù Mật
Thánh lễ an táng ông cố Giuse Trần Văn Đậu và ông cố Phêrô Lê Văn Thưởng tại giáo xứ Trù Mật
Vào lúc 7g30 sáng nay, thứ bảy ngày 07.12.2019, tại khuôn viên nhà thờ giáo xứ Trù Mật, Đức cha Gioan Maria Vũ Tất đã chủ tế Thánh lễ an táng cầu nguyện cho hai ông cố: Giuse Trần Văn Đậu và Phêrô Lê Văn Thưởng.
Website www.giaophanhunghoa.org được phát triển bởi đơn vị thiết kế web: OnIP™ (www.onip.vn - mCMS).
log