Thứ bẩy, 21/09/2019

Zaj Nyeem Hnub Tim 24 Lub 8 Hli Xyoo 2019 (Lời Chúa bằng tiếng H'mong, ngày 24.08.2019)

Cập nhật lúc 07:56 24/08/2019

Zaj nyeem Ib: Hauv phau ntawv Qhib Yav Tom Ntej, zaj 21 qib 9 txog 14. Lub Tsheej Yes Lus Xas Les tshiab:

Ces xya tus Tshiab uas tuav xya lub ntim rau xwv txheej, muaj ib tug los hais rau kuv tias: “Koj los, kuv yuav coj koj mus saib tus Nkauj Nyab, uas yog Leej Yaj tus Poj Niam.” 
Ces nws nqa hlo kuv lub tswv yim mus saum ib lub roob loj roob siab, nws muab lub tsheej Ntshiab Yes Lus Xas Les uas nqes saum ntuj, pem Tswv Ntuj los rau kuv saib. Lub tsheej muaj Tswv Ntuj lub hwj chim. Lub tsheej ci ntsa iab xws li ib lub pob zeb muaj nqi kawg, xws li ib lub pob zeb dawb ci nra paug. Muaj ib lub ntsa zeb loj thiab siab xov lub tsheej. Lub ntsa zeb muaj kaum ob lub qhov rooj, muaj kaum ob tug Tshiab zov qhov rooj. Muaj ib co npe sau rau ntawm qhov rooj: yog cov tub hauv kaum ob lub xeem His Xas Lais cov npe.  Sab Toob Fab muaj peb lub qhov rooj, Pej Fab muaj peb lub qhov rooj, Naj Fab muaj peb lub qhov rooj, Xib Fab muaj peb lub qhov rooj.
Lub ntsa zeb xov lub tsheej txawb rau saum kaum ob txheej taw ntsa. Muaj kaum ob lub npe sau rau saum cov taw ntsa. Yog Leej Yaj kaum ob leeg Hauv Paus Xa Lus cov npe.

Zaj nyeem Ob: Hauv Zam ntawv Moo Zoo, zaj 1 qib 45 txog 51. Thawj pab thwj tim:
Fis Lis Pos ntsib Nas Tas Nais, nws hais rau Nas Tas Nais tias: “Tus uas Mais Xes tau sau txog nyob hauv Txoj Cai, thiab cov Yaj Saub tau hais txog, mas peb ntsib lawm. Yog Yes Xus, Yos Xes nyob Nas Xas Les tus tub.”
Ces Nas Tas Nais hais rau Fis Lis Pos tias: “Puas yuav muaj ib yam zoo tawm hauv Nas Xas Les tuaj tau ?”
Fis Lis Pos hais rau Nas Tas Nais tias: “Koj tuaj, koj yuav pom.”
Yes Xus pom Nas Tas Nais tuaj, nws hais txog Nas Tas Nais, nws hais tias: “Nej saib, tus ntawd yog ib tug tseem His Xas Lais uas tsis zais siab li.”
Nas Tas Nais hais rau Yes Xus tias: “Ua cas koj paub kuv ?”
Yes Xus teb rau Nas Tas Nais tias: “Thaum Fis Lis Pos tsis tau hu koj, kuv twb pom koj nyob hauv tsob qab ntoo txiv ncuav pias.”
Nas Tas Nais teb rau Yes Xus tias: “Las Npis, koj yog Tswv Ntuj Leej Tub tiag ! Koj yog His Xas Lais tus Vaj.”
Yes Xus hais rau nws tias: “Yog vim kuv hais rau koj tias: Kuv pom koj nyob hauv tsob qab ntoo txiv ncuav pias, mas koj thiaj ntseeg. Koj yuav pom tej yam loj dua no.”
Ces Yes Xus hais rau Nas Tas Nais tias: “Kuv hais qhov muaj tseeb tiag rau nej: Nej yuav pom ntuj qhib los, thiab pom Tswv Ntuj cov Tshiab nce thiab nqes los saum Neeg Leej Tub.”

Cov kwv tij sawv daws, peb yuav hnov Tswv Ntuj hu peb tias “Koj tuaj, koj yuav pom” li Nas Tas Nais hnov Fis Lis Pos hais rau nws. Yog thaum ntawd Nas Tas Nais tsis qhib nws txoj kev xav, tsis qhib nws lub siab mloog thiab nrog Fis Lis Pos mus mas nws tsis pom thiab paub txog Huab Tais Yes Xus. Nyob hauv peb los zoo li ntawd, yog peb kaw peb kev xav, tsis qhib siab dav los mloog Tswv Ntuj lus; ces peb yuav tsis pom Huab Tais Yes Xus nyob hauv peb thiab. Nyob hauv phau ntawv Qhib Yav Tom Ntej los zoo tib yam nkaus, thaum Zam hloov nws lub tswv yim thiab mloog Ntuj cov Tshiab mas nws pom lub nroog Yes Lus Xas Les tshiab zoo nkauj.
Hnub no Tswv Ntuj twb qhib nws Ceeb Tsheej tos peb, hu peb mus cuag nws; vam tias peb sawv daws yuav qhib peb tus kheej mus cuag Tswv Ntuj mog.

zootswvzovyaj.com
Thông tin khác:
|||||
Thánh lễ truyền chức linh mục tại nhà thờ Chính toà Sơn Lộc, ngày 27.08.2019
Liên kết website
Tiêu điểm
Website www.giaophanhunghoa.org được phát triển bởi đơn vị thiết kế web: OnIP™ (www.onip.vn - mCMS).
log